Viessobálvalus

Studeantta ásodagat buohkaide

SSO`as leat oktiibuot 42 iešguđet lágan ásodagat mat leat várrejuvvon Sámi allaskuvlla studeanttaide. Geavat ásodat ohcan vuogádaga gávdnan dihte dieđuid ásodagaid birra ja de oza ásodaga das vuollelis.

Go saddet viessoohcama de fertet muittit bidjat mielddusin duođaštusa ahte leat studeantta ja leat boahtán sisa ohppui.

SSO ásodagat lea várrejuvvon Sámi allaskuvlla studeanttaide.
Jus leat vel guoros ásodagat go studeanttat leat ožžon ásodaga, de lea maid earáin vejolaš ohcat ja oaččut láigohit studeantta ásodaga.
SSO`as leat čuovvovaš ásodagat láigoheapmái
Hánnoluohkkas oktiibuot 20 bearašásodaga mat leat 40 m² ja 60 m2 sturrosaččat.
(sullii 100 mehtera eret skuvllas)

Lulit Gáhkkorluoddas leat mis 18 unnit ásodagat 14,5 m² (hybelat).
(Sullii 2 km eret skuvllas)

Gáhkkorčorus 4 stuorit bearašásodaga. 86-97 m² stuorrat.
(Sullii 1 km eret skuvllas)
Sis-Finnmárkku Studeanttaid Ovttastus (SSO)

Hánnoluohkká 45

9520 Guovdageainnu

Rahpan áiggit:

Mánnodat – Bearjadat: 08.30 – 15.30

Oktavuođa dieđut:

Min ásodagat

Lulit Gáhkkorluodda

Lulit Gáhkkorluottas lea mis 3 studeanttaviesu gos leat 6 unnit ásodaga (14,5 m2) juohke viesus.

Juohke ásodagas lea gievkkančiehka mas leat 2 vuoššanpláhta ja galmmihanskábe. Guovttis juogadeaba riššu ja hivssega.

Juohke viesus lea maid oktasaš stohpu gos lea TV. Doppe lea maid unna gievkkanlanjaš gos lea omman. Viesus lea maid bassanlatnja gos lea oktasaš bivttasbassanmašiidna.

Hattit

14,5m²
3.150,-

Elrávdnji:

El-rávdnji lea mielde láigohattis

Interneahtta:

Interneahtta lea mielde láigohattis

Biila liekkadan rustet:

Ássit Lulit- Gáhkkoluottas sáhttet láigohit elčuggestaga mohtorliekkaniidda 250,- ru. ovddas dálvái.

Haddi earáide:

14,5m²
4.150,-

Gáhkkorčorru

Gáhkkorčorus leat mis 4 stuorit ásodaga. Guokte 86 m2 ja guokte 97 m2 ásodaga.

Ásodagat leat 1 km. eret Allaskuvllas. Leat 4 stuora ásodaga mat leat 2 gearddis.

Juohke ásodagas lea stohpu, gievkkan, riššu/hivsset ja guokte oađđenlanja.
Ásodagain lea omman (komfyr), galmmihanskábe ja lihtebassanmašiidna.

Ásodagat liekkaduvvot lieggapumpiin (varmepumpe) ja ommaniin. Liekkadangolut leat dan dihte vuollin.

Hattit

86m²
6.900,-
97m²
7.450,-

Elrávdnji:

Ovdagihtii máksu kr 500 manus

Interneahtta:

Lea mielde láigohattis

Biila liekkadan rustet:

Haddi earáide:

86m²
97m²
8.500,-
9.000,-

Hánnoluohkka

Dáppe leat 16 bearašásodaga mat leat 40 m2 sturrosaččat. Juohke ásodagas lea gievkkančiehka ja beaivelatnja, okta oaððinlatnja, feaskkir, hivsset ja gálvolatnja. Ásodagain leat omman (komfyr) ja galmmihanskábe. Stuora oktasaš gálvolatnja maiddái olgun.

Hánnoluohkás leat maiddái njealjje 60-m2 sturrosaš bearašásodaga. Guđesge lea gievkkan, beaivelatnja, okta oađđinlatnja, hivsset, guokte feaskára ja guokte gálvolanja.
Ásodagain leat omman (komfyr) ja galmmihanskábe.

Viesut leat guovdu márkana, ja dušše moadde mehtera eret allaskuvllas. Mánáidgárdái lea vuollel 1 km.

Hattit

40m²
4.080,-
60m²
4.970,-

Elrávdnji:

A-konto kr 500 juohke manu.

Interneahtta:

Mielde láigohattis

Biila liekkadan rustet:

Ássit Hánnoluohka 40 kvm ásodagáin láigohit elčuggestaga mohtorliekkaniidda 250,- ru. ovddas dálvái. Hánnoluohká 60 kvm ásodaga ássiin leat iežaset elčuggestat

Haddi earáide:

40m²
60m²
5.460,-
6.300,-
ORTNET NJUOLGGADUSAT STUDEANTTAVIESUIDE

Sis-Finnmárkku studeanttaid ovttastusa studeanttaviesuid ortnetnjuolggadusat leat oassin soahpamušas gaskkal láigoheaddji (SSO) ja láigolačča, ja lea nu oassin láigošiehtadusas. Ortnetnjuolggadusat ja eará eavttut leat biddon vai juohke ássis galga leat buorre orrundilli.

I. Ulbmil
Ulbmil dáiguin njuolggádusáiguin lea sihkkarastit:
a. ahte viessu ja eará biergasat maid láigolašhálddaša, gieđahallojit nu ahte eai vahágahtto dárbbašmeahttumit.

b. ahte láigolaš čájeha fuolalašvuođa eará ássiide, nu ahte ii oktatge vahágáhttojuvvo muhtin eará láigolačča láhttema dihte.

II. Obbalaččat
Sáhtta váldit oktavuođa láigoheddjiin (SSO) dahje láigolaččaid luohttamušolbmuin jus leat jearaladagat, váidagat dahje eara mearkkašumit láigoheami, njuolggadusaid ja eará lassibuvttuid birra. Lassinjuolggadusat sáhttet biddjot ovttaskas studeanttaviesuide.

III. Mearradusat
1. Juohke láigolaččas lea ovddasvástádus doallat iežas ásodaga, feaskara, riššu ja hivssega čorgadin ja ráinnasin. Son geatnegahtto maiddái ovttas eará geavaheddjiiguin doallat oktasašsajiid ja rájuid čorgadin ja ráinnasin. Dábálaččat ráhkadit ássit ieža bargovuorrolistu ráinnasindoallama birra.

2. Oktasašgievkkana galga čorget ja bassat maŋŋel go lea atnan. Juohke láigolaš galgá bearráigeahččat ahte su galmmidanskábe ja oktasašskábet leat ráidnasat ja čorgadat. Biepmut eai ábut vurkkohuvvot nu guhka ahte billehuvvet/guohcagit/guhppot.

3. Sluka ferte buhtistit dávjá. Váldde oktavuođa viessobearráigehččiin jus lea buđđosan oalát.

4. Ruskkalihtiid galgá beaivválaččat gurret čujuhuvvon containariidda.

5. Hybelviesuin ii leat lohpi váldit bivttasbassanmašiinna ja/dahje sullasaš biergasiid, dahje váldit eret/lonuhit luvvodagáid jus láigoheaddji ii leat addán sierra lobi dasa. Ásodagain galgá bivttasbassanmašiinnaid dušše geavahit gaskkal 08.00 ja 22.00.

6. Biktasiid/gávnniid/láhtteránuid ii galgga láseráigge savdnjit.

7. Govaid galgá heŋget listaide mat leat biddjon seinniide. Oktasašsajiin galget plahkáhtat ja seaidnečállosat heŋgejuvvot diehtotávvalii.

8. Studeanttaviesuin ii leat lohpi atnit biebmošibihiid ja eará elliid.

9. Ii leat lohpi rievdadit giddodagáid viesuin (maiddái mála) jus láigoheaddji ii leat addan sierra lobi dasa.

10. Ii leat lohpi mohtorliekkaniid j.ea. bidjat el-čuggestagáide jus láigoheaddji ii leat addán sierra lobi dasa. Jus njuolggadus rihkko šadda láigolaš máksit mearriduvvon divvada.

11. Láigolaččat geatnegahttojit áktet guhtet guoimmiseaset bargoráfi. Maŋŋel dii. 23.00 árgabeivviid ja maŋŋel dii. 24.00 beivviid ovdal bassebeivviid ja basiid galgá leat ráfi viesus ja muđui opmodagas/šiljjus. Juohke láigolaččas lea ovddasvástádus iežas gussiid meannudeamis iežas ásodagas, oktasašsajiin ja muđui opmodagas. Láigoheaddji dahje muhtin geas lea su váldi sáhtta gáibidit ahte guossit guđđet viesu ja opmodaga.

12. Láigoheaddji (SSO) rádjá eret biergasiid mat sáhttet leat várálaččat dahje hehttehussan eará ássiide, ja láigolaš máksá olggosgoluid.

13. Sihkkeliid, mánávávnnaid, sabehiid ja mohtorvuojániid oažžu dušše bidjat čujuhuvvon sajiide iige oktašsajiide gos sáhttet leat hehttehussan eará ássiide.

14. Láigoheadji ovddasvástideaddjis dahje muhtimis geas lea su váldi, lea riekti bearráigeahččat buot lanjaid. Dábálaččat galgá dan birra addon diehtu ovdagihtii. Earenoamaš dilálašvuođain sáhtta goikke bearráigehččot dieđitkeahttá. Láigoheaddjis lea lohpi divodit ja buoridit viesu vaikko goas, muhto jus praktihkkalaččat lea vejolaš, galga láigolažžii dieđihuvvot maiddái dan birra. Láigoheaddjis lea maiddái lohpi iskkat el-mihttára juohke njealjádasjagi, jus ii šihtto eará ortnet láigolaččain.

15. Láigoheddji sahtta bidjat čalalaš dieđu oktsašarealaide dahje čalalaččat addit dieđu ortnetnjuolggadusaid birra ja movt galga geavahit viesu ja opmodaga.

16. Studeanttaviesuin ii leat lohpi borgguhit.

IV Luohttámušolmmoš
Sis-Finnmárkku studeanttaid ovttastusa viesuid ássit galget válljet ovtta luohttámušolbmo juohke ássanovttadahkii, ja son sáhttá gohččojuvvot ortnetnjuolggádusaid giehtaguššama oktavuođas.

DIEĐUT
Láigošiehtadusa ja ortnetnjuolggadusaid rihkkun
Jus láigolaš rihkku láigošiehtadusa ja ortnetnjuolggadusaid oažžu son čálalaš váruhusa. Jus nuppes rihkku daid, de loahpahuvvo láigosoahpamuš. Addo dušše okta várrehus.

Dahkádus
Dárkkuhuvvo ahte SSOas ii leat dahkádus dállobiergasiidda. Dan ferte láigolaš ieš háhkat jus hálida.

Čoavdagat
Láhppon čoavdagiid ovddas ferte máksit 750,- ruvnno buhttadussan.
Jus láigolaš ferte sihtat bargi boahtit go lea vajálduhttan čoavdaga, dahje eará sullasaš siva geažil, ferte máksit 350,- ruvdnosaš divvada.

Boasta
Studeantat sáhttet dáhttut boasta sáddejuvvot allaskuvlii. Muđui ferte láigolaš ieš oastit boastakássa ja váldit oktavuođa boasttain jus hálida čujuhusá studeanttaviesuide.

Čujuhusat:
Gáhkkorčorru 1, 9520 Guovdageaidnu
Lulit Gáhkkorluodda 5/7/9, 9520 Guovdageaidnu
Hánnoluohkká 31A,B,C,D,E ja F, 9520 Guovdageaidnu

Mohtorliekkanat
Ássit Hánnoluohka 40 kvm ásodagáin ja Lulit- Gáhkkorjeakkis sáhttet láigohit elčuggestaga mohtorliekkaniidda 250,- ru. ovddas dálvái. Hánnoluohká 60 kvm ásodaga ássiin leat iežaset elčuggestat.

Olggos fárren
Jus láigolaš ii leat fárren olggos ja čoavdda bukton ruovttoluotta dan dáhtona mii lea šihtton, sáddejuvvo rehket nuppi mánu ovddas.

Láigolaš ferte unnimusat 3 beaivve ovdal soahpat áiggi viessobearráigehččin fárrolaga geahččat ahte ásodat/ latnja lea ráinnas ja muđui ortnegis, ja ahte doppe leat visot biergasat mat ledje doppe sisafárredettin.

Jus ásodat ii leat albmaládje ráidnejuvvon olggosfárredettin dollojuvvo oassi dahje buot ovdagihtti máksojuvvon láigu.

Ássanovttodagá lonuhit
Jus láigolaš hálida lonuhit eará ássanovttodahkii ferte son máksit 350,- ruvdnosaš fárrendivvaga.

Viessoláigu – ovdagihttii láigu
Sisafárredettiin máksá láigolaš ovtta mánnoláiggu ovdagihtii. Doaibmagoahtá 01.07.2023 rájes.

Elrávdnji
Hánnoluohká ja Gáhkkorčoru ásodagain mákset ássit ieža elrávnnnji. Ymber sádde rehkega midjiide, ja elrávdnjegolut bidjojit viessoláigorehkegii. Dat mearkkaša ahte ássit eai dárbbat ieža dieđihit iežaset ođđa kunddarin. Go elrávdnjerehket boahtá juohke nuppi mánu lea vuosttaš mánu a-konto máksin
(500,- ru.), ja maŋit mánu rehkega vuosttá.

Máksinmuittuhus
Jus rehket ii mákso, sáddejuvvo rehket viidasit intrum Justitia fitnodahki gii de sádde olggos máksinmuittuhusa masa biddjo muittuhusdivat ja reanttut. Jus ii vel mákso, biddjo rehket inkassoi ja dat maiddái mielddisbuktá ahte láigolaš oažžu eretcealkkima ásodagas.


Gažaldagat dávjá

Ásodaga sáhtát ohcat olles jagi. Mii juohkit ásodagaid dađistaga go oažžut
ohcamiid.
Sáhtát fitnat SSO hálddahusas ohcame dahje neahtta badjel ohcat.
Ii leat depositumma.
Čoavdagiid oaččut SSO hálddahusas. SSO`ain sáhtát maid šiehtadit ahte
oaččut čoavdagiid maŋŋel kántoráiggi.
– Hánnoluohkkas: interneahtta
– Lulit Gáhkkorluodda: interneahtta, el-rávdnji, oktasaš bivttas bassanmašiidna ja
TV oktasaš areálain
– Gáhkkorčorru: interneahtta
Ássit Hánnoluohka 40 m2ásodagáin, Lulit- Gáhkkorjeakkis ja Gáhkkkorčorus
sáhttet láigohit elčuggestaga mohtorliekkaniidda 250,- ru. ovddas dálvái.
Hánnoluohká 60 m2 ásodaga ássiin leat iežaset elčuggestat.
Unnit ásodagain leat viessogálvvut. Stuorit ásodagaide (40 m2 – 97 m2) fertet váldit
mielde iežat viessogálvvuid.
– Hánnoluohkka: dáppe sáhtát bidjat iežat lihte ja bivttas bassanmášiinna jus
šiehtadat viessobearráigehččiin ovdagihtii.

– Lulit Gáhkkorluodda: dáppe lea oktasaš bassanmášiidna juohke hybel viesus.
-Gahkkorčorus: doppe lea lihtebassan mašiidna muhto fertet váldit mielde bivttas bassanmášiinna.
Eretcealkin gálga leat čálalaččat ja eretcealkin áigi lea 1. manu ja doaibagoahtá
nuppi mánu 1. beaivvi rájes.

E-poastta lea dohkálaš
Oaččut orrot ásodagas olles geasi.
It berre buktit čoavdaga ovdal go SSO lea iskkan ja dohkkehan ásodaga.
Livčče buorre jus ieš leat mielde go SSO iskka ásodaga. Jus buvttat čoavdagiid
ovdal go ásodat lea dohkkehuvvon de sáhtát gártat máksit SSO`ai ásodaga
garvvisteame ovddas.
Ii leat lohppii váldit mielde elliid SSO ásodagaide. Ásodagain gos lea sierra boađahat sáhttet ohcat lobi
Ii leat lohppii borgguhit ásodagain.
Lulit Gáhkkorluottas lea juohke viesus TV oktasaš areálain.
Buot ásodagain lea nuvttá interneahtta. (Wifi)
Láigoheaddji ferte ieš valdit oktavuođa dahkadusfitnodagain ja ordnet dáhkádusa (innboforsikring).
Ássit basset ieža oktasaš areálaid. Hánnoluohkka 40m2 ásodagain lea bidjon
bassanlisttu. SSO iskka juohke duorastaga leatgo areálat basson.
Jus ii leat basson duorastaga rádjai, de bidjo bassan diva kr 250.
SSO sadde viessorehkegaa álggus juohke mánu e-mailain.
Jus lahpat/vajálduhttet čoavdagiid de fertet váldit oktavuođa hálddahusain


kántoráiggis (934 77 201) dahje viessobearráigehččiin maŋŋel kántoráiggi (990 33 775).
Láhppon čoavdagiid ovddas ferte máksit 750,- ruvnno buhttadussan.
Jus láigolaš ferte sihtat bargi boahtit go lea vajálduhttan čoavdaga, dahje eará sullasaš siva geažil, ferte máksit 350,- ruvdnosaš divvada.

Áiggut go láigohit?

Deavdde skovi ja sadde dan sisa, mii váldit duinna oktavuođa.

Mii fállát oanehašláigoheami

Mii fállat maid lanjaid oanehisáiggeláigui.
Leat dušše 14,5 m² ásodagat gos lea vejolaš láigohit oanehisáigái.

Studeanttaide kr 400 idjii
Earáide kr 600 idjii

Seaŋgagávnnit ja sihkaldaga sáhtát láigohit. Studeanttaide máksá kr 90,- Earáide máksá kr 120,-

Lánjat galget čorgejuvvon ja basson go fárre olggos.

Áigeguovdil SSO`as:

Láigohit kantiinna

Bargit ja stivra

Oza mánáidgárdde saji